TEMI.mk

Frosina Remenski

🇲🇰 ЧЕСТИТ 7 МАЈ - ДЕНОТ НА МАКЕДОНСКАТА ПОЛИЦИЈА 👮‍♂️👮‍♀️🕵️‍♂️

На сите полицајци при МВР, сите пензионирани, поранешни полицајци и сите они кои учат да станат полицајци им го честитам 7 Мај - Денот на полицијата !
Вечен да е, во мир, слога и просперитет !
Слава на сите кои го дадоа животот за мирот, слободата и државата !

„Мојата основна должност како полицаец е да служам на Република Македонија, да ги почитувам Уставот и законите, да ги бранам животите и имотот на граѓаните, да ги заштитувам невините од измами, слабите од заплашување и притисок, а мирољубивите од насилство и безредија, како и да го почитувам заедничкото право за слобода, еднаквост и законитост.
Без компромиси против злоделата, прогонувајќи го криминалот, законот ќе го спроведувам на човечен и соодветен начин, без страв, протекција или лоша намера, никогаш не користејќи сила или насилство, недопуштајќи да бидам поткупен.
Свесен сум дека само јас сум одговорен за стандардите на моето професионално работење и затоа ќе ја искористам секоја разумна прилика за да го збогатам и подигнам рамништето на моето знаење и стручност.
Никогаш нема да постапувам наметливо или да дозволам на моите лични чувства, предарасуди, политички убедувања и стремежи, на омразата или пријателството да влијаат на донесувањето на моите одлуки.
Мојата службена легитимација ја сфаќам како симбол на довербата која ми ја укажува јавноста и која ќе трае се додека се придржувам на етичките начела на полицискиот позив. Нема да учествувам во мито и корупција, ниту ќе го толерирам таквото однесување кај другите полицајци.
Личниот живот ќе го водам чесно, и ќе се однесувам на начин кој нема да ме дискредитира ниту мене, ниту мојата служба. Соочен со опасности, омаловажувања или потсмев, ќе ги задржам одважноста, спокојството, ќе го развивам чувството на самоконтрола и секогаш ќе ја имам предвид грижата за другите. Честит во мислите и на дело, како во приватниот, така и во службениот живот, на примерен начин ќе го почитувам законот и прописите на мојата служба.
Непрекинато ќе тежнеам, да ги постигнеме овие цели и идеали, посветувајќи се на мојата одбрана професија – полицаец“.

(Свечена заклетва на полициските службеници од ЦОКОБ –Скопје)

Frosina Remenski

Добро утро Македонијо каде и да си 🇲🇰
Нека е честит и вечен Денот на македонската азбука и македонскиот јазик 🇲🇰

На ист јазик зборуваме, со исти букви пишуваме, а се' помалку се разбираме и се' помалку читаме ...
Кога се нижат годишнините и се зголемуваат предизвиците пред нашите историски константи да научиме да се слушаме и да се разбереме.

Frosina Remenski

Честит 8 Април - Меѓународниот ден на Ромите 🇲🇰
Bahtalo 8-to april dive e Romengoro 🇲🇰

Frosina Remenski

Денес е Светскиот ден на здравјето 😇
Да го посветиме на сите здравствени работници кои се борат за спас и здравје на сите пациенти 😷

Frosina Remenski

Зоран Ѓинѓиќ (1952 - 2003) убиен на денешен ден.

🎯 ШТО Е СУШТИНАТА НА ПОЛИТИКАТА?

"... Не, тоа не се политичките партии.
Суштината на политиката е персонализирањето, а тоа многу добро го знаат сите. Секоја идеја и програма е персонализирана во носител кој по правило не е политичар. Неговите противници мислат дека, ако ја дискредитираат личноста, сите идеи ќе се претворат во апстрактни прашања кои луѓето многу малку ќе ги интересираат. Зошто нивната тактика е ако персонификацијата на тие идеи (а, тоа се луѓето, човекот како носител на идеите) се доведат под прашање, тогаш идејата е лист хартија кој е испишан со некој текст кој ја нема убедливоста, затоа што го нема промоторот и говорникот.
Затоа борбата против личностите како носители на големите идеи за промени е поважна за нивните непријатели, отколку борбата со идеите.
Тактиката на организирано компромитирање на поединците како носители на конзистентни идеи е пред се', тактика за компромитирање на алтернативите во политиката за иднината и за промените.
Но, треба да знаат дека тоа е промашена тактика и двоструко се плаќа со порази, зошто идеите и нивните носители никогаш не умираат ..., затоа што носителите не зависат од партиите, туку партиите од нив. Раните се лечат, а идеите остануваат живи и носат следбеници".

(Зоран Џинџиќ, НИН, 02.03.2000 година, интервју со Стеван Никшиќ)

"Ако однапред се сомневате во својот успех, неуспехот лесно ќе го прифатите, зошто мудро сте го испланирале. Затоа, не се сомневајте во својот успех и насмевнете им се на сите кои сакаат да ве разубедат дека нема да успеете. Ако верувате во вашата цел ќе успеете" - Проф. д-р Зоран Џинџиќ

"Видимо се у будучности"

Слава му !

Frosina Remenski

Денешниов празник „Св. Климент Охридски„ е патрон на мојот Универзитет кој го носи неговото име Универзитет „Св. Климент Охридски“ - Битола ...

Светителот и учителот Св. Климент Охридски како основоположник на првиот словенски универзитет, ја пренесува историската порака за улогата на Универзитетот.

Би сакала овој ден да биде ден на просветлување на наставничкиот и соработничкиот кадар на Универзитетот. Подобро да ја разбереме нашата поширока општествена и духовна мисија. Тоа од нас го бара Патронот - Секогаш да стоиме на страната на вистината и на слободата.

🇲🇰 ЧЕСТИТ ПРАЗНИК на сите верници и на сите вработен на Универзитетот, на Ректорот проф. Игор Неделковски, проректорите, сите декани, професори, асистенти и на сите студенти 🙏

Со зборови си ги упатил народите во верата Божја; со делата си се издигнал, преблажен,
кон божествен и блажен живот.
Со чудеса си ги просветил оние
што пристапуваат верно кон тебе,
со знаменија си ја осветлил темнината.
Поради тоа го славиме твојот божествен спомен, Клименте.

Frosina Remenski

🇲🇰🇦🇱 Знаме. Знамиња. Знамето ...
Независно кое, независно какво, знамето е симбол под кој се обединуваат луѓе кои делат исти идентитетски чувства, колективна меморија, историја, традиција...
Тоа треба да се почитува од сите и за сите, независно дали етничкото се доживува посилно - над државното и над сојузното. Тие чувства треба да се почитуваат до степен до кој не преминуваат кон шовинизам и етнонационализам.

Правилото вели дека, човекот како политичко суштество прво станува свесен и приврзан кој својата етничка заедница и своите симболи, а потоа кон заедниците на останати луѓе и кон сите граѓани кои живеат на иста територија со државни граници.
Третостепена е припадноста на заедниците и државите кон сојузите во кои членуваат.

Интегративните процеси 🇪🇺 тежнеат кон создавање на еден - политички идентитет, пред сите национали и етнички идентитети - процес на обединување под наднационално знаме.
Тоа не значи непочитување на националните и етничките идентитети и симболи на останатите кои негуваат силни чувства на припадност и кохезија.

Нема такво правило кое на еден народ или една етничка група ќе може да му забрани и спречи идентификација со знаме како симбол во кој се препознава и со кој се идентификува - независно дали е тоа Вергина на црвена или сина основа, дали е тоа Двоглавиот орел, звездите на знамето на Европа, САД или другите државни знамиња кои ги почитуваме заради државите, нивните граѓани и нашата дијаспора и емиграцијата на нашите сограѓани. Забрането е обединувањето под Свастиката❗

☆☆☆☆☆☆☆☆☆

Почитувани сограѓани и пријатели Албанци нека е честит 28 Ноември - Денот на албанското знаме 🇦🇱

Одбележувањето на вакви датуми и настани треба да бидат во знак на почит и во насока на градење на мостови на толеранција и доверба помеѓу сите етнички заедници во Македонија.

Меѓуетничката толеранција, солидарноста и меѓусебното почитување се придонес и основа за заедничка перспективна и стабилна држава на сите нејзини граѓани.

Frosina Remenski

🇲🇰 ЧЕСТИТ 101 РОДЕНДЕН НА РЕПУБЛИКА ТУРЦИЈА 🇹🇷
29 Октомври 1923 година е прогласена Република Турција и денот се чествува како Ден на Републиката - Cumhuriyet Bayrami.

Прв Претседател на Türkiye Cumhuriyeti (Република Турција) е големиот Мустафа Кемал Ататурк.

"Еј народе мој, јас сум Мустафа Кемал Ататурк,
Урнете ги моите споменици
Ако слободата се’уште не е
највозвишена вредност
Ако велите робовите
да си ги носат прангите
Заборавете се’ што сум рекол
И урнете ги сите споменици што
сте ми ги подигнале" (Сулејман Апајдин) 🇹🇷

Frosina Remenski

Дали знаевте дека Сократ имал техника за справување со досадни луѓе?
Дали ви се случило за време на расправија другиот да вика за да докаже дека е во право?
Нема ништо понеподносливо, нели?
Еден ден, Сократ бил нападнат од човек. Беше груб и нецивилизиран човек, кој во лоша расправија отиде дотаму што му удри шамар.
И денес има многу вакви поединци ... кога не знаат да ги претстават своите идеи, стануваат агресивни.
Но, како реагирал Сократ?
Тој не направи ништо!
Не врескал, не одговорил со насилство, ништо.
Еден од неговите ученици се запрашал за однесувањето на Сократ, а големиот филозоф одговорил: „Да ме клоцаше магаре, дали ќе го одведев на суд?“
Што нè учи Сократ?
Дека интелигентен човек никогаш не треба да се наведнува на ниво на идиот. Понекогаш, тишината е најелегантниот одговор.
Не е случајно што зборот „елеганција“ потекнува од латинскиот збор „electro“, што значи светлина. Што значи тоа?
Тоа значи дека елегантен човек не е некој што носи брендирана облека или поседува скапи предмети, туку некој што знае да избере како да се однесува, кога да зборува и кога да молчи ...

Frosina Remenski

🇲🇰🇮🇹🇽🇰 На покана на Генералниот конзул на Република Косово Дајмонд Кастрати учествував на отварањето на Мобилната конзуларна канцеларија на Генеталниот конзулат во градот Тревизо.
На настанот присуствуваа голем број на гости - Градоначалникот на Тревизо, Командата на Карабињерите, голем број претставници на локалните италијански власти и на Конзуларниот кор.
Конзуларната канцеларија беше отворена во присуство на Министерката за надворешни работи и дијаспора и Заменик претседателката на Владата на Косово г-ѓа Доника Гервала-Шварц и Амбасадорката на Република Косово во Италија г-ѓа Нита Шала кои имаа пригодни обраќања.
Квалитетот на живот, услугите од институциите и значењето на добрите билатерални односи помеѓу земјите беа главни поенти на овој настан.